|
SubscriptionsSites I Read
|
|
|
|
| 祝各位新年快上, 恭喜發財!!! 一連幾個星期都無寫過blog~~~ 等我update下近況啦! 年廿九, 同爸爸去左行花市, 每年行花市, 都總會買盆大桔, 買個風車轉下運甘~~ 今年既大吉, 食得架~~~ 叫"龍蛋桔", 必必好喜, 比左一粒佢, 佢係甘食d皮~~ 必必食到咀舔舔!
 今年係波波既第一個新年, 波都唔知係咩事!
 大年初一, 一早(其實媽媽所謂"一早"其實係中午12點XD) 起身, 同波波換左套紅卜卜既衫仔~~而必必就換左公主裝, 頭頂帶住一個靚靚王冠髮夾, 一齊黎番幅新年合照~~
 小朋友, 過年最開心莫過於呢樣野!
 公公派利是比必~~
 必必開心XDD因為佢果封利是是, 食得既!!
 過年多左時間響屋企HEA~~ 原來必必同波波真係好好朋友! 次次波上床玩, 必都會上黎玩埋一份~
 一家四口, 分左四袋利是是~~
 年初三~~~哥哥拎左D燈上黎, 同我地影沙龍照~ 華探長波出場!!
 必必與生果, 好SHARP~~~
 最喜呢兩張~~ 必同媽媽合照!
 同埋一家四口全家福XXDD
 好快, 又到年初四!! 今日真係年初四甘既樣, 假又放晒, 錢又駛晒@@要番工啦@@ | | |
| 今日個客11點幾, 喊住打電話比我.... 話說... 佢公司舊年4月, 同母公司combine左.... 一combine公司.. 預左一定會有人laid... 估唔到, 手法甘低妝! 今日佢地番到公司, 發現全公司d電腦down晒! 跟住... 9點正, 佢公司d HR排晒隊行出黎...好似人地擺酒上乳豬甘... 唔係上乳豬, 係上大信封! 炒左子公司好多人... 其中包括子公司個一姐.... 仲要炒DEPT, 全炒, 難聽D講句, 陷家鏟! 半小時內... 要你執走晒所有私人野, 期間位位夾住一個食Q... 一姐, 仲要比兩件食Q夾住! 比人炒果D唔係最慘... 炒剩果D, 望住D以前一齊拚搏既戰友... 一個一個心口托住個紙皮箱行出公司門口... 果種感覺仲難受! 投名狀一句: 要馬唔要人..理得你手頭有幾多OUTSTANDING.. 理得你聽日D野有幾URGENT... 商場, 真係好殘酷! 識自保... 唔一定保到飯碗...唔識自保, 死得仲快! | | |
| 今日無啦啦收到呀慈個email~~~仲要加一句: 我想同你去!!
http://hk.music.yahoo.com/index.html?purl=magazine-mus-article.html%3Fmagazineid%3D25%26articleid%3D94 退引多年既我... 睇完, 又試腳痕痕!!!!!曾幾何時真係有唸過周圍旅行, 去不同國家既大型party, 第一個夢想係IBIZA~ 可惜, 西班牙實在太遠..... 呢個近近地, 仲要係國際盛事!!! 2008年度既旅行目標, 首選呢度!!!!!爸爸~~~ 拿出你既小宇宙, 番黎啦~~~~~~~ 迫爆聖淘沙2007-12-18 更新 12月8日晚，我在新加坡Zouk Out Festival。這是一個大型的Dance Festival，已有七年歷史，今年更在香港地鐵賣廣告，連新加坡旅遊局都大力支持此盛事。說到底，正因Festival一年比一年強，已經達到二萬多人參與，對比香港，小型的party都被政府為難，真的是蚊同牛比，莫講話去沙灘跳。是的，Zouk Out就在聖淘沙大搞，二萬多人迫爆沙灘，全日由晚上8時玩到明晨9時，我第一次去，簡直就是一個life-size experience！撰文：關勁松 
Booka Shade玩live，連綿電音加即場電鼓，只有兩個人卻令大台下觀眾high到震。
Zouk朝聖
新加坡第一clubbing聖地Zouk，是Zouk Out Festival的始作俑者，Festival前一晚，筆者與友人先落Zouk玩，感覺極之良好。其實Zouk原址是三Club相連，旁邊有專打流行的R&B及Hip Hop的Phuture，以及走高檔路線的The Velvet Underground，而Zouk則以其領導位置，打各種真正clubbing而起及繼續革新的跳舞音樂。說感覺良好，是因為Zouk地方大、樓底高、喇叭更有兩個人咁大咁高，裝修美麗之餘，進去的clubbers無論男男女女、年少年長，都似為clubbing而來，個個有manner，這樣的氣氛，香港真的難以見到，因為香港有太多蒲人純粹為蒲、為睇女睇仔、為吸毒。這真的是惡性循環，實在令真正的clubbers倒胃口；之所以，據聞今年Zouk Out Festival有數百香港人參與，看來真正喜歡clubbing的香港人，都要到此一遊。
激光不斷在全沙灘放射，從未見過如此大型的夢幻效果，置身其中感覺良好。
激光耀沙灘
我與友人在10時許到達Zouk Out Festival。入口是距離主舞台最遠的第四舞台，那是live band舞台，一隊新加坡樂隊I Am David Sparkle正在表演，是Post-Rock類型，玩得非常精彩。世界如此大，每個國家總有精彩的樂隊，不過回想香港，有好樂隊但不受重視，又回到所有關於音樂的問題，club scene如是、band scene更慘淡、主流樂壇簡直不知所謂，非關音樂。來到主舞台，Zouk駐場DJ Tony Tay正在打碟，早一晚都聽了他在Zouk的演出，他似乎甚愛Hard-Techno，各種怪狠電聲在他手上奪魄而出，機械人再造。1130-0130，到德國的Ame，他打近來趨勢minimal風格，不是要你喪跳那類，每種聲響都清清楚楚，層次鮮明又混合民族色彩，令筆者非常投入，必定要尋回他出過的CD。這一段開始，沙灘上的激光不斷發放，全沙灘被激光照射，製造一次又一次立體三維空間，置身其中，如夢似幻，加上二萬人參與其中，怎樣也真的像個夢！
跳到天光
0130-0230，玩live的Booka Shade現身。二人組合，一人打電鼓，一人用琴玩電音，卻製造出連綿不絕的起伏效果，由於是玩live，更為加分，令到在場人士high到爆炸，這一隊，又是要買碟的。0230-0500，英國超著名DJ Carl Cox出場，開始就打New Order紅透半邊天的〈Blue Monday〉，回歸根本。Carl Cox由90年代中打Techno至今，有他一套生存方式，個人認為因為夠commercial，這夜他的計算很易聽到，反正步入如此鐘數，觀眾都會自動波跳起來了，他就一直keep住個mood，某些時候的確有幾番突破性的精彩，但大抵也不過是計算在內。還是0500-0700的Armin Van Buuren（匿稱AVB）才是真正壓軸，他是本年度DJ Mag選出的全球no.1 DJ，加上他得天獨厚的可愛靚仔樣，殺！筆者在他打之前，與友人湧到最前排，之後不斷有人湧入，全都是女的！這證明AVB的存在。他打碟時就像個Rock Concert，不斷有人齊聲呼叫他的名字，又有人舉起搖滾手勢向他致敬，而他仍是一向的一臉純真可愛樣，冇佢乎！這次他差不多全打自己歌，搞到fans興奮莫名，螢幕還不時出現一個頭上不是光環、而是唱片的天使cute cute天使公仔，好得意，同時AVB是聖誕生日的，更有其喻意，他真的是God of Trance！跳著聽著，天慢慢光起來，這感覺超好，很美。到差不多完時，AVB突然不Trance，打首U2的〈Beautiful Day〉，簡直就是讓觀眾再狂喜，喪跳！而AVB更似大明星到台前各方感謝觀眾，no.1，係要咁。AVB終於完了，但party仍繼續到0800，換來Aldrin打碟，本以為應該chill out一下觀眾，怎料還是舞勁十足的音樂，Zouk Out，太離譜又太好玩！以我的經驗，簡直是一生起碼去一次！ 不過話說回頭, 呢頭腳痕姐, 果頭又會掛住必波~~~ 可能, 都係唸下算XXDDDD | | |
| 新年快樂!!! 唔經唔覺, 又到2008~~ 尋晚好開心, 玩到5點!! 多謝豬!! 當身邊好友都係識左十年八載既時候, 真係唔可以唔認老~
飲左一晚, 頭痛又腳痛.... 以前一星期蒲8晚既日子已經不再...唔單止因為無甘既時間, 而係無甘既心力...你出錢我出命都係假! 青春.. 似乎一步一步離我而去XXDDDD | | |
| 一到我呢個age group, 就開始有好多朋友, 同事結婚~ 有好多朋友請我飲, 我都會好開心甘應約, 衷心祝福佢地幸福快樂~~~
但有d人, 真係唔想到, 就算到完都一肚氣!! 事緣係... 公司有個同事請飲..... 好耐之前已經聽聞佢結婚.... 但係奇就奇在次次兜口兜面問佢, 佢都唔認自己結婚架窩! 好啦, 到佢擺酒前一個星期, 無啦啦走黎派帖.... 仲要一句唔講, 趁我講緊電話果陣一野擺張帖響我台面... 已經唔想到... 你甘遲派帖仲要一句唔講, 誠意欠奉! 不過, 自己dept, 唔到又好肉酸...算!! - 去到... table list... 公司人約有20人到, 竟然將20人分左四五圍..我自己一圍, 同d三九唔識7既... 頂, 幾想人情都唔擺低走人去! 搵人攝位都唔係搵自己公司d同事啦... - 跟住, 個table list竟然串錯左老闆個姓! - 個mc叫我地出去影相, 叫錯我公司名3次, 個主人家都仲唔糾正佢... - 上台講野, 仲要多謝晒d咩咩公司既舊同事呀甘... 一句唔講e+公司d同事... 仲要到得最多人既公司.. 多謝都無句, 即係甘, 你唔多謝我唔緊要... 你都多謝下自己老闆啦! 擺酒擺得甘肉酸... 你都係第一個! 豬講得岩架... 結婚無咩必要都係唔好擺酒, 你知啦... 招呼不周.. 比人唱成世.... 不過聽另一網友講仲正... 一個6-7年無搵佢既舊同事無啦啦打比佢問佢去唔去飲, 佢話唔去, 就問人拎email話keep contect... 點知第日send左張電子帖比個網友, 仲要個mail入便有條link 指去pay pal! 我心唸, 有呢d PK請我飲, 我真係會做一蚊比佢, 加多句: 人情就無錢做啦, 做定帛金比你當小小心意! 一山還有一山高!!! | | |
|
